Sakbay ken kalpasan ti Nobyembre 30, tuluy-tuloy ti panagiruswat ti KBKK kadagiti Black Friday Protest ken dadduma pay a tignay.

Tampok idi Nobyembre 21 ti nailyan a walkout ti Youth Rage Against Corruption. Nagmartsa ti 1,500 kabataan idiay Mendiola. Kabigatan na, agsina nga aktibidad ti insayangkat ti Seniors Kontra Kurakot ken dagiti siklista kas protesta.

Idi Nobyembre 28, maysa a nailyan a sit-down strike ken protesta ti indauluan ti Alliance of Concerned Teachers-Philippines. Nakikaykaysa iti aktibidad dagiti mangisursuro iti nasurok 400 pangpubliko a pagadalan iti 14 a rehiyon iti pagilyan.