Gipatay sa mga elemento sa 4th ID samtang anaa sa ilang kustodiya ang magtiayong Vincent Madlos ug Glorivic Campos Belandres niadtong Setyembre 3. Si Vincent anak nilang Ka Oris ug Ka Maria Malaya.

Sukwahi sa gipangulipas sa militar, wala namatay ang duha sa engkwentro sa Barangay Capitan Bayong, Impasug-ong, Bukidnon. Dihadiha nga gitaho sa Bagong Hukbong Bayan-North Central Mindanao Region (BHB-NCMR) nga nadakpan ang duha samtang naghulat og sundo sa Atugan Bridge sa parehong munisipalidad niadtong Setyembre 3. Walay nahitabong engkwentro sa Barangay Capitan Bayong sa maong adlaw, matud sa BHB-NCMR. Ang maong baryo may gilay-ong 1.5 kilomentro gikan sa tulay sa Atugan.

Ang pagpatay sa magtiayon lapas sa mga lagda sa gubat nga nagsiguro sa kinabuhi ug dignidad sa kinsamang kombatant o walay ikasukol. Lapas usab sa mga balaod sa gubat ang pagpanamastamas sa mga patayng lawas, sama sa kanunay nga ginahimo sa militar aron ipagawas nga namatay sa mga “engkwentro” ang mga kauban nga ilang nadakpan.