“NOT GUILTY” o walay sala ang hukum sa usa ka korte sa Galimuyod, Ilocos Sur sa desisyon niadtong Setyembre 17 batok sa lima ka kababayen-ang tigpanalipud sa tawhanong katungod. Gipasaka sa 81st IB ang mga kasong pakyas nga pagpatay niadtong Enero 26, 2018 batok nilang Sarah Abellon-Alikes, Sherry Mae Soledad, Joanne Villanueva, Rachel Mariano ug Asia Isabella Gepte.

Gilambigit sa 81st IB ang lima sa usa ka ambus sa Bagong Hukbong Bayan niadtong Hulyo 22, 2017 batok sa nagpatrulyang mga sundalo sa Salcedo, Ilocos Sur.

Gihukman usab ng Court of Appeals (CA) nga dili sad-an ang organisador sa mamumuo nga si Maoj Maga sa kasong illegal possession of firearms with live ammunition. Sa desisyon niadtong Setyembre 15, gibaliktad sa korte ang unang hukum sa San Mateo Regional Trial Court nga sad-an ang unyonista. Gikan Pebrero 2018, iligal nang nakadetine si Maga sa Metro Manila District Jail 4 sa Taguig City. Sa kasamtangan, nagaatubang pa siya sa kasong pagpatay sa Cabadbaran, Agusan del Sur nga gipasaka batok sa kaniya sa AFP.

Alang sa Kapatid, grupo sa mga pamilya ug higala sa bilanggong pulitikal, kinahanglang matukmod sa maong desisyon sa CA ang tanang mga korte nga mosubay sa mas taas ug mas makuting pagrebyu sa mga kaso sa estado batok sa mga giprisong aktibista ug kritiko. Sa lantaw sa grupo, signipikante kaayo ang bag-ong desisyon tungod kay wala lamang niini gibaliktad ang hukum batok sa usa ka aktibista kundili ginahatagan usab niini og duso ang nag-unang konstitusyunal nga proteksyon gikan sa iligal nga pag-utingkay ug pagkumpiska.