Gikasubo pag-ayo sa Partido Komunista ng Pilipinas (PKP) ang pagpanaw ni Emmanuel Fernandez (Ka Ampog/Akuy/Brad), myembro sa Komite Sentral ug usa sa mga rebolusyonaryong lider sa Far South Mindanao. Namatay niadtong Oktubre 30 si Ka Ampog sa sakit nga dugay na niyang gihambin. Gidala sa mga medik ang iyang patayng lawas sa usa ka payag sa Barangay Buenaflores, Senator Ninoy Aquino, Sultan Kudarat, para ipasa kini sa iyang pamilya.

Nahibal-an sa lokal nga pulis ang lokasyon sa lawas ni Ka Ampog ug gibalita kini. Dihadiha dayon kining giadtuan sa mga sundalo sa 603rd IBde. Lapas sa mga lagda sa gubat, girakrakan sa mga sundalo ang patayng lawas ni Ka Ampog. Gipagawas nila nga napatay siya sa usa ka engkwentro aron makakuha og ganti. Hugot nga gikundena sa PKP ang pagpanamastamas sa 603rd IBde.

Naggikan si Ka Ampog sa usa ka pamilya sa gagmayng agalong yutaan sa Tampakan, South Cotabato. Bisan pa man, gitagana niya ang halos tibuok kinabuhi sa pag-alagad sa masang kabus sa rehiyon.