Duha ka trak sa dagkung kumprador ug agalong yutaan nga si Teotimo Ballesteros ang gisunog sa mga operatiba sa Bagong Hukbong Bayan-Northern Negros sa Sityo Proper, Barangay Tabun-ac, Toboso, Negros Occidental niadtong Disyembre 14, mga alas-9:30 sa buntag.

Si Ballestero usa ka notoryus nga kontra-rebolusyonaryo ug landgrabber. Sa iyang kabangis, gwardyado sa mga bandidong grupo ug militar ang iyang mga katubhan. Gipondohan niya kini aron ipabilin ang iyang kontrol sa yutang iyang giilog gikan sa mga mag-uuma. Naila siya nga ubos kaayo magpasuhol ug mangtas sa iyang mga trabahante mao nang gikalipay pag-ayo sa mga tapasero ug mamumuong sa katubhan ang pagsilot kaniya.