Defend Louie Jalandoni. Nagpiket atubangan sa DOJ sa Maynila niadtong Disyembre 9 ang grupong Defend Louie Jalandoni aron ibasura ang paglakip sa kanhing punong negosyador sa NDFP sa arbitraryo ug walay basehang listahan sa mga “terorista” sa Anti-Terrorism Council.

Black to Block MROTC. Nagprotesta ang mga grupo sa kabatan-onan, nga nakasaninag itum, atubangan sa University of Sto. Tomas sa Maynila batok sa pag-apruba sa sugyot balaodnon nga NCSTP/MROTC niadtong hapon sa Disyembre 15. Nagprotesta usab sila atubangan sa Kongreso niadtong Disyembre 12 samtang ginapahigayon ang pagdungog sa balaodnon.

Protesta kontra Marcos sa Europe. Nagpahigayon og mga protesta ang mga grupong migrante sa Europe niadtong Disyembre 14 ug 15 isip pagsugat kang Marcos Jr. Anaa siya niadto sa Belgium aron motambong sa pulong sa mga lider sa nasud gikan sa Europian Union ug ASEAN.

Barikada sa Bacolod. Nagbarikada ang mga lumulupyo sa Purok Katilingban, Barangay Punta Taytay, Bacolod City para pugngan ang demolisyon sa 40 ka panimalay sa lugar. Iligal ang demolisyon labina kay dili ang tag-iya sa yuta ang nagmando niini kundili ang miabang lamang.