Naglunsad og paturagas nga pagpamomba ang Armed Forces of the Philippines (AFP) sa tunga sa kalasangan sa Mt. Hilong-hilong sa utlanang bahin sa Agusan del Sur, Agusan del Norte ug Surigao del Sur niadtong Nobyembre 30. Gikan sa alas-5:40 sa buntag hangtud alas-7 sa Nobyembre 30 gibombahan ang erya gamit ang unum ka dagkung bomba ug duha ka rocket.

Halos 100 ka mga kahoy ang nangadaut dinhi bunga sa pagpamomba. Nagbilin usab kini og dakung bangag sa yuta (crater) nga adunay giladmon nga taman sa tuhod ug hinungdan sa pagdahili sa yuta.
Ang nasangpit nga kabukiran usa sa mga nahabiling puy-anan sa Philippine Eagle ug daghang mga matang sa flora ug fauna.