Isip pagparangal ug pag-ila sa mga tampo ni Kaubang Jose Maria Sison sa internasyunal nga kalihukang komunista, gipangunahan sa Communist Party of India (Maoist) ang “Adlaw sa Paghandum kang Kaubang Joma” niadtong Enero 16. Nagtapok ang mga myembro sa CPI (Maoist), mga manggugubat sa People’s Liberation Guerilla Army (PLGA) ug mga myembro sa rebolusyonaryong organisasyon sa India aron dumdumon si Ka Joma.

Bitbit ang dakung pulang balatengga, mga plakard ug pulang bandila, nagmartsa ang gatusan ka katawhan ug mga manggugubat nga Indian sa wala ginganli nga komunidad. Kadaghanan kanila mga minorya sa India ug pami-pamilyang naggikan sa komunidad sa baseng masa sa PLGA ug CPI (Maoist). Gisulat sa mga balatengga ug plakard nila ang: “Pulang saludo Ka Joma!” Nagpormasyon usab ang mga manggugubat sa PLGA ug taas kamaong gisaludohan si Ka Joma.

Nagpamahayag usab sa pakighiusa ang ubang mga rebolusyonaryo ug komunistang partido ug organisasyon sa Adlaw sa Paghandum.

Ayha niini, daghang internasyunal nga organisasyon na usab ang miila kang Ka Joma dihang siya mipanaw. Gipasidunggan siya sa daghang organisasyon sa iyang bantugang mga tampo sa pag-asdang sa internasyunal nga kalihukang komunista ug pagpasiugda sa anti-imperyalistang kalihukan sa tibuok kalibutan.