Gitaho sa Bagong Hukbong Bayan (BHB)-Southern Panay ang mga armadong aksyong gilunsad niini sa milabayng mga bulan batok sa salot nga mga pwersa sa pulis ug militar sa habagatang dapit sa isla.

Gipabuthan sa yunit sa BHB ang detatsment sa 2nd Platoon, 1st Iloilo Mobile Company sa pulis sa Barangay Mayang, Tubungan, Iloilo niadtong Pebrero 1. Ayha niini, gipabuthan sa hukbong bayan ang detatsment sa CAFGU sa Barangay Tubudan, San Remegio, Antique niadtong Enero 28.

Samtang, niadtong Disyembre 11, 2022, giambus sa BHB ang giusang pwersa sa San Remegio Municipal Police Station ug Antique Mobile Force nga nag-operasyon sa Barangay Aningalan, San Remigio, Antique. Duha ka pulis ang nasamdan sa ambus.

Sa isla sa Negros, naigo sa BHB-Southwest Negros ang mga sundalo sa 15th IB sa usa ka engkwentro sa Sityo Malipayon, Barangay San Jose, Sipalay City niadtong Enero 18. Tulo ang kumpirmadong napatay sa 15th IB samtang pito ang nasamdan.

Gipabuthan usab sa BHB-North Negros ang detatsment sa CAFGU sa Barangay Bandila, Toboso, Negros Occidental niadtong Enero 31.