Gilunsad sa mga yunit sa Bagong Hukbong Bayan (BHB) ang duha ka armadong aksyon sa lungsod sa Sallapadan, Abra niadtong ulahing semana sa Hunyo batok sa nag-operasyong tropa sa 24th ug 102nd IB sa maong lungsod.

Unang giatake sa mga Pulang manggugubat ang nag-operasyong yunit sa 24th IB sa Sityo Mangmangga, Barangay Naguilian niadtong Hunyo 26. Usa ka sundalo ang napatay sa maong opensiba. Gisundan kini sa pagharas sa BHB-Abra sa tropa sa 102nd IB sa Barangay Bazar niadtong Hunyo 28. Duha ka sundalo ang nasamdan sa opensiba.

Sa Negros Occidental, giparalisa sa BHB-South Central Negros niadtong Hunyo 14 ang duha ka backhoe sa Sityo Bulod, Barangay Carabalan, Himamaylan City. Ginagamit ang mga backhoe sa konstruksyon sa Himamaylan-Tayasan Road nga maghatag-dalan sa dagkung kumpanya sa mina nga gustong mosulod sa kabukiran sa Cansermon, Tahod-Ilahas, Cambantog ug kasikbit nga mga lugar.

Ang duha ka backhoe nga gipanag-iyahan sa ESJ construction firm sa mga Javelosa ug mga Gensulin nagkantidad og ₱7.5 milyon. Walay nasakitan nga trabahador sa kumpanya sa maong operasyon.