RINAMBAKAN TI REBOLUSYONARYO a tignayan, dagiti alyado, lokal ken internasyonal a gagayyem ti maika-85 kasangay ni Kadua Jose Maria Sison idi Pebrero 8. Inrussuat da ti naduma-duma nga aktibidad tapno lagipen ni Ka Joma ken ikkan importansya dagiti napnuan kaipapanan nga imbingay na iti rebolusyon a Pilipino.

Idiay Rizal, nagaramid ti serye ti Kabataang Makabayan (KM)-Rizal ti oplan-pigket ken oplan-pinta iti sumagmamano a tulbek a lugar iti probinsya idi Pebrero 11. Kadagiti lugar nga adu ti tattao na idiay Barangay San Juan, Taytay, nagidikket dagiti agtutubo na ti “wheat paste art” a nangipakita ti imahe ni Ka Joma. Impinta da met kadagiti pader ti kiddaw kadagiti agtutubo a tumipon iti New People’s Army ken lumaok iti gubat ti umili.

Idiay Utrecht, the Netherlands, nangiyangay ti maysa a programa a pangkultura dagiti alyado nga organisasyon ti National Democratic Front of the Philippines (NDFP).