ITI TENGNGA TI pina-irteng nga operasyon militar iti larangan gerilya, determinado nga inrussuat dagiti Nalabaga a kumander ken mannakigubat ti maysa a panagsanay iti Basaran a Kurso iti Pulitiko-Militar idi Enero 20-27. Panggep ti aktibidad nga armasan dagiti mannakigubat kadagiti basaran a prinsipyo a pulitiko-militar tapno natured a sangoen ti kontra-rebolusyon a kampanya a pananglapped ti rehimen Marcos.

Paset met ti makuna a panagsanay iti panangringbaw ti larangan gerilya kadagiti kakapuyan iti ideolohiya, pulitika ken organisasyon a mangigawgawid/mangikulkulbo iti komprehensibo a panagabante ti gubat ti umili iti masaksakupan a lugar, aglalo iti tay-ak ti armado a pannakidangadang, kuna ti New People’s Army (NPA) – Central Negros.

“Naballigi ti panagsanay gapu iti rebolusyonaryo a kooperasyon dagiti mannakigubat ken kumander, ken ti awan sarday a suporta ti masa iti ekonomya, pinansya ken seguridad ti yunit,” waragawag pay ti yunit.

Nakuna pay ni Monic, babae a Nalabaga a mannakigubat, “sabali talaga nu nakapagsanay ka gapu ta saan ka mabuteng iti panangsango iti kabusor aglalo ta paset daytoy ti sentral a rebbengen tayo kas hukbo.” Makatulong dagiti panagsanay pulitiko-militar kas iti daytoy tapno “liklikan ti lantay-militar wenno panagbalin a militarista… gapu ta rumbeng a nu nalaing iti militar, rumbeng a nalaing met iti pulitika,” pahayag ni Kadua Turko, platun lider ken kangrunaan nga instruktor iti panagsanay.