Ginsaulog sang rebolusyonaryong kahublagan, mga alyado, kag lokal kag internasyunal nga mga abyan ang ika-85 nga kaadlawan ni Kaupod Jose Maria Sison sadtong Pebrero 8. Ginlunsar nila ang nagkalain-lain nga aktibidad para pasidunggan si Ka Joma kag hatagan-bili ang mahinungdanon niya nga mga amot sa rebolusyong Pilipino.

Sa Rizal, nagtigayon sang pasunod sang oplan-dikit kag oplan-pinta sa pila ka yabi nga lugar prubinsya ang Kabataang Makabayan (KM)-Rizal sadtong Pebrero 11. Sa matawo nga lugar sa Barangay San Juan, Taytay, nagpatapik ang mga kabataan sang “wheat paste art” nga nagpakita sang dagway ni Ka Joma. Ginpinta man nila sa pader ang panawagan sa mga kabataan nga magpatapo sa Bagong Hukbong Bayan kag makigbahin sa inaway banwa.

Sa Utrecht, the Netherlands, naglunsar sang isa ka programa pangkultura ang mga alyado nga organisasyon sang National Democratic Front of the Philippines (NDFP).