MAPANGAHASONG GIAMBUS SA mga Pulang manggugubat sa Bagong Hukbong Bayan (BHB)-Quezon (Apolonio Mendoza Command) ang 30-katawong yunit sa 85th IB nga nag-operasyon sa Barangay Doña Aurora, Calauag niadtong Marso 25, alas-6 sa gabii. Tulo ang nataho nga nasamdan sa mga pasistang sundalo.

Matud sa pamahayag ni Ka Cleo del Mundo, tigpamaba sa BHB-Quezon, gipabusikaran sa hukbong bayan og command detonated explosive ang 85th IB ug milungtad og 10 minutos ang panagsangka. Luwas usab ang yunit sa BHB. Subli niining napanghimakak ang deklarasyon nga “insurgency-free” na ang Quezon niadtong Hunyo 2023 ug pagpailalum sa kategoryang “Stable Internal Peace and Security,” matud niya.

Sa Agusan del Sur, gitaho bag-o lang sa yunit sa BHB sa prubinsya nga naglunsad kini og operasyong haras batok sa nag-operasyong tropa sa 3rd Special Forces Battalion (3rd SFB) sa Barangay Mabuhay, Prosperidad niadtong Enero 19. Duha ka pasista ang napatay sa pag-atake sa mga Pulang manggugubat, lakip ang usa ka upisyal sa mga mersenaryo.