GILUNSAD SA MGA organisasyon sa masang anakpawis niadtong Marso 26, sa Recto Avenue sa Maynila, ang tinuig nga Kalbaryo sa Masang Anakpawis. Lakip sa mga isyu nga gipresenta sa mga mitambong sa Kalbaryo mao ang nagkagrabeng krisis sa panginabuhian, reklamasyon sa Manila Bay ug demolisyon sa Navotas ug pagpang-Redtag sa mga lider aktibista ug sa ilang mga komunidad. Bitbit nila ang mga panawagan alang sa pagpataas sa suhulan ug pagtapos sa kontraktwalisasyon, pagbungkag sa mga unyon, pagpamig-ot sa mga mamumuo ug malukpanong disempleyo sa nasudnong sentro.

Gilunsad usab ang Kalbaryo sa Southern Tagalog niadtong Marso 24. Bitbit sa mga misalmot dinhi ang pagbabag sa charter change ug pagduso sa tinuod nga reporma sa yuta, makabuhi nga suhulan, nasudnong soberanya, ug makatarunganong kalinaw. Sa misunod nga adlaw, miadto sila sa nasudnong kabisera aron iduso ang ilang mga reklamo sa mga departamento sa empleyo, edukasyon ug kinaiyahan.