MAKAHAS NGA GINBANTAYAN sang mga Pulang hangaway sang Bagong Hukbong Bayan (BHB)-Quezon (Apolonio Mendoza Command) ang 30-katawo nga yunit sang 85th IB nga naga-operasyon sa Barangay Doña Aurora, Calauag sadtong Marso 25, alas-6 sang gab-e. Tatlo ang nabalita nga napilasan sa mga pasistang suldado.

Base sa paahayag ni Ka Cleo del Mundo, tigpamaba sang BHB-Quezon, ginpalukpan sang hangaway sang banwa sang command detonated explosive ang 85th IB kag nagdugay ang inaway sang 10 minutos. Luwas naman ang yunit sang BHB. Liwat sini nga nahamutig ang deklarasyon sa Quezon isip “insurgency-free” sadtong Hunyo 2023 kag pagpaidalom sa kategorya nga “Stable Internal Peace and Security,” sa iya.

Sa Agusan del Sur, ginbalita kasan-o lang sang yunit sang BHB sa prubinsya nga nagtigayon ini sang operasyon haras batuk sa naga-operasyon nga tropa sang 3rd Special Forces Battalion (3rd SFB) sa Barangay Mabuhay, Prosperidad sadtong Enero 19. Duha ka pasista ang napatay sa pag-atake sang mga Pulang hangaway, kabahin ang isa ka upisyal sang mga mersenaryo.