Linibo ang nagrali sa Seoul, sentro nga syudad sang Republic of Korea (ROK ukon South Korea), sadtong Agosto 10 para pamatukan ang Ulchi Freedom Shield (UFS) 2024 nga natalana nga ilunsar sa pungsod sugod Agosto 19 tubtob Agosto 29. Ang war games nga ini ang tuigan nga ginalunsar sang US sa ROK, apang para sa subong nga tuig i-upod sa una nga higayon ang ehersisyo nga pagsabat sang ROK sa panahon sang isa ka atake nukleyar.

Ginpanawagan man nila ang pagbasura sang alyansa militar sang US, Japan kag South Korea kag ang pagpanaog ni Presidente Yoon Seok Yeol nga nagasunod-sunod lang sa US.