Malipayon nga ginbaton sang Koalisyon nga Makabayan ang mga anunsyo nila Liza Maza, anay tiglawas sang Gabriela Women’s Party kag isa sa nagapamuno sang koalisyon, kag Ronnel Arambulo, bise presidente sang Pamalakaya, ang tagsa nila ka deklarasyon para magpadalagan sa Senado. Ginpatigayon ni Maza ang iya nga deklarasyon sadtong Agosto 15 sa isa ka imol nga komunidad, samtang nag-anunsyo si Arambulo sa komunidad sang mangingisda sa Navotas sadtong Agosto 19. Ang duha ang ginkilala nga mga lider masa nga mabakod nga nagapanindugan para sa interes sang pumuluyo kag batuk sa imperyalistang US. Si Arambulo, isa ka mangingisda sang Laguna de Bay, ang aktibo sa kampanya batuk sa pagpang-ipit sang China kag para sa pagduso sang kinamatarung sang mananagat sa tradisyunal kag teritoryal nga mga palangisdaan.

Samtang, ginkundenar ni Maza kag sang Makabayan ang pagtinguha sang rehimen Marcos, paagi sa NTF-Elcac, nga punggan ang deklarasyon ni Maza. Gin-ipit sini ang mga residente sang komunidad sa North Caloocan nga orihinal nga benyu sang iya nga pulong masa, amo nga kinahanglanon nga ibalhin ang benyu.

Panawagan sang Makabayan nga suportahan ang kandidatura nila Maza kag Arambulo, amo man ang tatlo nga nauna na nga nagdeklarar nga mga kandidato sini nga sila ni Rep. France Castro sang ACT Teachers Party, Rep. Arlene Brosas sang Gabriela Women’s Party, kag Jerome Adonis sang Kilusang Mayo Uno.