Atubangan sa gipagrabeng operasyong kombat ug pagliyok sa mga yunit sa Armed Forces of the Philippines sa mga barangay sa Samar, nakalunsad og isnayp ug mga kontra-atake ang Bagong Hukbong Bayan (BHB)-Western Samar (Arnulfo Ortiz Command).

Niadtong Setyembre 16, giisnayp sa BHB ang nagkampo nga mga elemento sa 87th IB sa Barangay Canvais, Motiong, Samar. Sa pasiunang taho, nasamdan ang nagabantay nga tropa sa militar.

Niadtong Setyembre 14, unang nakapabuto ang mga Pulang manggugubat batok sa nasugatan niining nag-operasyong yunit sa 46th IB sa Barangay Dugungan, Jiabong. Napatay sa engkwentro ang usa ka sundalo sa 46th IB habang usa ang natahong grabeng nasamdan.

Kaniadto usang Setyembre 11, gipakyas sa usa ka yunit sa BHB-Western Samar ang sulayng pag-atake sa 46th IB sa ilang kampo sa Barangay Salvacion, Jiabong. Matud sa BHB, nagsinibilyan ug nagpatoong Pulang hukbo ang mga sundalo aron manglinlang sa masa. Nailog sa mga Pulang manggugubat ang inisyatiba sa panagsangka ug aktibong nakadepensa batok sa kaaway.