Natukmod sa Nexperia Phils. Inc. Workers Union-National Federation of Labor Unions-Kilusang Mayo Uno ang maneydsment sa Nexperia Philippines nga tahuron ang unyon ug katungod sa mga mamumuo sa seguridad sa trabaho. Sa usa ka kasabutan nga naabot niadtong Setyembre 18, nagsaad ang kumpanya nga ibalik ang mga gitangtang, palanaton ang mga benepisyo ug padak-on ang separation pay sa mga mamumuo ayha ang Oktubre 7.

Natukmod usab sa unyon ang maneydsment nga magsaad nga wala nay mahitabong dinaghang pagpanangtang hangtud sa katapusan sa tuig ug magpadayon na ang negosasyon alang sa lain na usab nga collective bargaining agreement. Tungod niini, temporaryong giatras sa unyon ang planong welga nga gibotohan sa mga mamumuo niadtong Hulyo.