Sa atubang sang ginpasingki nga operasyon kombat kag pagpangdumog sang mga yunit sang Armed Forces of the Philippines (AFP) sa mga barangay sa Samar, nakalunsar sang isnayp kag mga kontra-atake ang Bagong Hukbong Bayan (BHB)-Western Samar (Arnulfo Ortiz Command).

Sadtong Septyembre 16, gin-isnayp sang BHB ang nagakampo nga mga elemento sang 87th IB sa Barangay Canvais, Motiong, Samar. Sa pasiuna nga report, napilasan ang nagabantay nga tropa sang militar.

Sadtong Septyembre 14, nauna nga nakapalupok ang mga Pulang hangaway batuk sa nasugata sini nga naga-operasyon nga yunit sang 46th IB sa Barangay Dugungan, Jiabong. Napatay sa engkwentro ang isa ka soldado sang 46th IB samtang isa ang nabalita nga malubha nga napilasan.

Sadto naman Septyembre 11, ginpaslaw sang isa ka yunit sang BHB-Western Samar ang pagtilaw nga pag-atake sang 46th IB sa ila nga kampo sa Barangay Salvacion, Jiabong. Suno sa BHB, nagabayo sang sibilyan kag naga-postura nga Pulang hukbo ang mga soldado para tiplangon ang masa. Naagaw sang mga Pulang hangaway ang inisyatiba sa inaway kag aktibo nga nakadepensa batuk sa kaaway.