Naduso sang Nexperia Phils. Inc. Workers Union-National Federation of Labor Unions-Kilusang Mayo Uno ang maneydsment sang Nexperia Philippines nga tahuron ang unyon kag kinamatarung sang mga mamumugon sa kasiguraduhan sa trabaho. Sa isa ka kasugtanan nga nalab-ot sadtong Septyembre 18, nagpasalig ang kumpanya nga ibalik ang mga ginkakas, palawigon ang mga benepisyo kag padakuon ang separation pay sang mga mamumugon antes mag-abot ang Oktobre 7.

Naduso man sang unyon ang maneydsment nga magpasalig nga wala na sang mahitabo nga pagpangkakas tubtob katapusan sang tuig kag magapadayon na ang negosasyon para sa panibag-o nga collective bargaining agreement. Tungod diri, temporaryo nga gin-atras sang unyon ang plano nga welga nga ginbotohan sang mga mamumugon sadtong Hulyo.