Ginkilala kag ginpasidunggan sang National Democratic Front of the Philippines (NDFP) si Dante C. Simbulan bilang matuod nga makipungsodnon kag tigtib-ong sang rebolusyon sang pumuluyong Pilipino. Nagtaliwan si Simbulan sadtong Oktobre 12 sa Fairfax Country, Virginia sa edad nga 94.

Kabahin si Simbulan sa Philippine Military Academy Class of 1952. Nagserbe siya nga kapitan sang Philippine Army kag nagpakigbato sadto upod sa Hukbong Mapagpalaya ng Bayan. Namuklat ang iya rebolusyonaryong espirito sang mabuyagyag sa iya ang mga inhustisya sosyal kag pagpanumpo sang militar.

Nangin instruktor siya sa PMA kag nangin bantog sa pag-imbita kay Jose Maria Sison nga maghatag sang lektura sadtong 1966 angot sa mersenaryo nga tradisyon sang AFP. Nangin manunudlo siya sang pila ka mga soldado nga nangin rebolusyonaryo pareho nila Lt. Crispin Tagamolila kag Lt. Victor Corpuz. Namartir bilang Pulang hangaway si Tagamolila samtang liwat nga nagbaliskad kag nagbalik sa AFP si Corpuz sadtong 1986.

Tungod sa pagdampig sa pumuluyong Pilipino, ginbilanggo si Simbulan sadtong 1974 tubtob 1977. Nadistyero siya sa US sadtong 1980 kag didto niya ginpadayon ang iya paghimakas. Nangin katimbang siya sa pag-organisa sang mga pareho nga Pilipino. Yabi siya sa pagtukod sang Malaya Movement USA.

“Isa siya ka matuod nga makipungsodnon, soldado sang pumuluyo, kag isa ka rebolusyonaryo nga tubtob mintras nga palanggaon sa tagipusuon sang mga nagapangita sang hustisya kag kahilwayan sang Pilipinas,” pahayag sang NDFP.