Nagsala ang naga-operasyon nga tropa sang 79th IB sang ginpalukpan sila sang mga Pulang hangaway sang Bagong Hukbong Bayan (BHB)-Northern Negros (Roselyn Jean Pelle Command) sa Sityo Agtatahor 1, Barangay Macasilao, Calatrava, Negros Occidental sadtong Oktobre 6. Ginlunsar ang operasyon haras sang alas-9 sang aga samtang naga-andam sang pamahaw ang mga soldado.

Suno sa report sang yunit, malinong sila nga nakapalapit sa yunit sang 79th IB samtang maayo nga nakakamoplahe. Kabahin ang gin-igo nga tropa sang 79th IB sang isa ka malapad nga sakop sang focused military operations sa nasambit nga lugar. Kadungan man sini ang isa ka Retooled Community Support Program (RCSP) nga isa ka elemento sang operasyon saywar sang militar.

Sakop sang operasyon kombat ang indi magnubo sa 10 ka barangay sa banwa sang Calatrava. Ang mga ini amo ang Macasilao, Hilub-ang, Hinab-ongan, Lagaan, Minautok, Cambayobo, Marcelo, Minapasok, Malatas kag Pantao.