Pito ka kaso nga may kaangtanan sa pagbawi sang ginkawat nga manggad sang pamilya Marcos ang nabasura halin sang magpungko si Ferdinand Marcos Jr sa poder. Ginabulubanta ₱2.3 bilyon nga kinawat nga manggad ang nabawi sang mga Marcos halin sa mga kaso nga ini. Ginkundenar ini sang mga biktima sang laye militar kag mga demokratiko nga organisasyon.

Pinakaulihi sa mga kaso nga napabasura sang mga Marcos ang may kaangtanan sa ₱276 milyon nga kantidad sang duta kag balay sa Pilipinas kag US. Ginbasura sang Sandiganbayan sadtong Oktobre 4 tungod sobra ka lawig na nga natanggong ini sa korte. Napaslawan ang prosekusyon nga lagson ang kaso sa nagligad nga 37 ka tuig.

May kabilogan nga 28 ka kasong kriminal kag 43 ka kaso nga civil and forfeiture nga ginpasaka batuk sa mga Marcos sa Sandiganbayan halin 1986 tubtob 1995.