Pinapatay iti pammaltog dagiti tropa ti 82nd IB ti mannalon a ni Peter Agudes, mabigbig met a “Tito,” idiay Barangay Minan, Tapaz, Capiz idi Pebrero 26. Dua pay a kadwa na ti nasugatan. Parparwaren ti Armed Forces of the Philippines (AFP) a ni Agudes ket napatay iti armado nga engkwentro iti baet dagiti soldado ken ti New People’s Army (NPA).

Inpetteng ni Perla Agudes, asawa ti biktima a saan a Nalabbaga a mannakigubat ti tallo. Hustisya ken patas nga imbestigasyon ti panawagan ti pamilya. Ti pamilya Agudes ket agindeg iti Sityo Taroytoy, Barangay Manica, Libacao, Aklan. Naulila ni Peter ti tallo nga annak na nga edad 10, 13 ken 16.

Masaker. Awanan-asi a minasaker dagiti soldado ti 26th IB ti pamilya a Toto Gomansil, Toni Gomansil ken ti anak da a ni Celine Gomansil idiay Dayuman River, Barangay San Vicente, Esperanza, Agusan Del Sur idi Disyembre 15, 2024. Mano a bulan kalpasan ti nakadangdangkes a krimen ket awan pay laeng ti hustisya ken napagsungbat iti masaker.

Sakbay ti krimen, nagpakada pay ti pamilya Gomansil kadagiti soldado a nakadeploy iti asideg a detatsment tapno agtrabaho iti talon da. Iti laksid ti panagpakada da, sinurot isuda dagiti soldado ken ingalut da ti agassawa a Toto ken Toni. Inpasidong da dagitoy iti nairut nga interogasyon sakbay a tinagbat ken pinatay da dagitoy. Ni Celine ket pinalto-paltogan dagiti soldado idi timmaray. Inakusaran da dagitoy a makisilsilpo iti NPA ken rebolusyonaryo a tignay iti prubinsiya.

Terorismo iti tangatang. Troma ken buteng ti intunda ti istraping dagiti helikopter ti militar kadagiti barangay ti La Paz, Agusan del Sur ken Cabanglasan, Bukidnon idi Marso 4. Iti rason a daytoy ket suporta iti panag-atake ti AFP laban iti hukbo ti umili, sidudursok a nagpalto-paltog dagiti helikopter a nakaapektar kadagiti sibilyan. Nagipatulod met dagiti soldado ti FA50 fighter jets a nagkarga kadagiti bomba a 250-lb wenno 500-lb a maaramat koma ngem napaatras dagitoy idi napukaw ti maysa kadagiti tallo a jet fighter.