Barikada han katawhan nga Aeta ha Mt. Pinatubo. Nagtukod hin barikada hadton Abril 18 an komunidad han Aeta ha Mt. Pinatubo Sityo Tarukgan, Barangay Santa Juliana, Capas, Tarlac agud ig-insister an katungod ha ira tuna. Pira katuig na nga diri nababaydan hin eksakto an mga katutubo han mga ahensya han estado ha turismo ngan diri liwat hira ginbubuligan han NCIP. Waray katadungan nga gin-aresto an pira ha ira han mga pulis ngan ginkasuhan hira han kaso nga obstruction of public passage ngan diri otorisado nga pagsakob ha protektado nga lugar.

Balik-trabaho ha Bataan. Nahiduso han mga trabahador an pamunuan han FCF Manufacturing Corporation nga igbalik ha trabaho an mga iginpailarum hini ha istatus nga “forced leave” (piniritay nga pamahuway) hadton Abril 19. Nanawagan an grupo ha kompaniya nga paundangon an gintatawag nga “paghataw sa gawa” ngan iba pa nga iskema han pag-istak han hinimo nga produkto tungod kay ini an nagduduso han palisiya nga forced leave.

Parada ha dagat kontra ha offshore wind farm ha Ilocos. Naglansar hin parada an mga parupangisda ha Pagudpud ha Ilocos Norte hadton Abril 20 agud tipahan an plano nga pagtindog han BuhaWind Offshore Windfarm ha baybayon han Pasuquin, Burgos, Bangui, ngan Pagudpud. Ha tulo katuig nga konstruksyon han wind farm, gindidiri nga makapalawod hirani dinhi an mga parupangisda.

Paggios kontra Prime Water ha Bulacan. Naglansar hin noise barrage an magkalain-lain nga grupo hadton Abril 25 agud kundenaron an palpak nga serbisyo nga tubig han Prime Water ha San Jose Del Monte City ha Bulacan. Tikang han mahitukod an joint venture o sosyohan han Prime Water ngan han San Jose Del Monte Water District hadton 2018, wala-tuo na an nagin problema han mga residente sugad han panalagsa ngan maluya nga awas han mahugaw ngan diri poyde inumon nga tubig, ngan ura-ura kamahal han kabaraydan ha serbisyo.