Barikada sa katawhang Aeta sa Mt. Pinatubo. Nagbarikada niadtong Abril 18 ang komunidad sa mga Aeta sa Mt. Pinatubo, Sityo Tarukgan, Barangay Santa Juliana, Capas, Tarlac aron ipanghingusog ang ilang katungod sa yuta. Dugay na nga wala sila nabayran og tarong sa mga ahensya sa estado gikan sa turismo ug wala usab sila tabangi sa NCIP. Dili makatarunganong gi-aresto ang pipila kanila sa mga pulis ug gipasakaan og kasong obstruction of public passage ug dili awtorisadong pagsulod sa protektadong lugar.

Pagbalik-trabaho sa Bataan. Naduso sa mga trabahante ang maneydsment sa FCF Manufacturing Corporation nga ibalik sa trabaho ang mga gipahimutang sa istatus nga “forced leave” niadtong Abril 19. Nanawagan ang grupo sa kumpanya nga undangon ang gitawag nga “pagpapaspas sa trabaho” ug uban pang pamaagi sa pagtipig sa produkto tungod kay kini ang nagtukmod sa palisiyang forced leave.

Parada sa dagat batok sa offshore wind farm sa Ilocos. Nagparada ang mga mangingisda sa Pagudpud, Ilocos Norte niadtong Abril 20 aron supakon ang plano sa pagtukod sa BuhaWind Offshore Windfarm sa baybayon sa Pasuquin, Burgos, Bangui, ug Pagudpud. Sa tulo ka tuig nga konstruksyon sa wind farm, gibawalan ang mga mangingisda nga managat duul dinhi.

Protesta batok sa Prime Water sa Bulacan. Naglunsad og noise barrage ang lain-laing grupo niadtong Abril 25 aron kundenahon ang palpak nga serbisyo sa tubig sa Prime Water sa San Jose Del Monte City, Bulacan. Sukad sa joint venture sa Prime Water ug San Jose Del Monte Water District niadtong 2018, daghan na ang nahimong problema sa mga residente sama sa hinay ug hugaw nga tubig nga dili mainum, ug taas kaayong singil sa serbisyo.