Napatay ha usa nga ambus han Bagong Hukbong Bayan (BHB)-Mindoro (Lucio de Guzman Command) an duha nga pulis samtang nabiyahe ha Barangay Bagong Silang, Victoria, Oriental Mindoro hadton Hulyo 13 han kulop. Sigon ha hukbo han katawhan, baton ini ha hingyap han mga Mindoreño nga pabatunon an AFP-PNP ha terorista nga kampanya hini ha mga bungto ha Central Oriental Mindoro.

An presensya han militar ngan pulis ha bungto han Victoria kaparte han paghahatag seguridad ha dagko nga mapanhibang ngan kontra-katawhan nga proyekto. Kalakip dinhi an pito nga lugar ha pagkukwari ha Victoria nga gintugutan han lokal nga gubyerno. Namamangpangan gihap an pagsakob han dako nga operasyon nga mina ha Victoria tikang ha pagbuhi ha Mineral Production Sharing Agreement han Mindoro Nickel Project.

Hihibangon hini an yukut-yukot kaektarya nga katunaan diin nakasarig an pakabuhi han mga parag-uma ngan minoriya nga Mangyan. Kasagaran na nga gios para ha pulis ngan militar an pagpwesto antes magtikang an mga mapanhibang nga proyekto agud pugngan an pagdedepensa han katawhan ha ira tuna ngan natural nga karikuhan.