Napatay sa usa ka ambus sa Bagong Hukbong Bayan (BHB)-Mindoro (Lucio de Guzman Command) ang duha ka pulis samtang nagabyahe sa Barangay Bagong Silang, Victoria, Oriental Mindoro niadtong Hulyo 13 sa hapon. Matud sa hukbong bayan, tubag kini sa pangayo sa mga Mindoreño nga panubagon ang AFP-PNP sa teroristang kampanya niini sa mga lungsod sa Central Oriental Mindoro.

Ang presensyang militar ug pulis sa lungsod sa Victoria kabahin sa paghatag seguridad sa dagkung magun-ubon ug kontra-katawhan nga proyekto. Lakip dinhi ang pito ka lugar sa pagkwari sa Victoria nga gitugutan sa lokal nga gubyerno. Plano usab ang pagsulod sa dagkung operasyong mina sa Victoria gikan sa pagbuhi sa Mineral Production Sharing Agreement sa Mindoro Nickel Project.

Pagadauton niini ang liboan ka ektaryang kayutaan diin nakasandig ang panginabuhi sa mga mag-uuma ug Mangyan. Sagad nang ginahimo sa pulis ug militar ang pagpwesto ayha magsugod ang mga magun-ubong proyekto aron pugngan ang pagpanalipud sa katawhan sa ilang yuta ug kinaiyanhong bahandi.