Napatay sa isa ka ambus sang Bagong Hukbong Bayan (BHB)-Mindoro (Lucio de Guzman Command) ang duha ka pulis samtang nagabyahe sa Barangay Bagong Silang, Victoria, Oriental Mindoro sadtong Hulyo 13 sang hapon. Suno sa hukbong bayan, sabat ini sa demanda sang mga Mindoreño nga pasabton ang AFP-PNP sa teroristang kampanya sini sa mga banwa sa Central Oriental Mindoro.

Ang presensya sang militar kag pulis sa banwa sang Victoria kabahin sa paghatag seguridad sa mga dalagko nga mapangwasak kag kontra-pumuluyo nga mga proyekto. Lakip diri ang pito ka lugar sa pag-kwari sa Victoria nga ginpasugtan sang lokal nga gobyerno. Nagahana man ang pagsulod sang dako nga operasyon sa mina sa Victoria halin sa pagbuhi sa Mineral Production Sharing Agreement sang Mindoro Nickel Project.

Halitan sang mga ini ang linibo ka ektarya nga kadutaan kon diin nagasalig ang palangabuhian sang mga mangunguma kag tumandok nga Mangyan. Kinaandan na nga kalakaran para sa pulis kag militar ang pagpwesto antes magsugod ang mga mapangwasak nga proyekto agud punggan ang pagpangapin sang pumuluyo sa ila duta kag dunang manggad.