Nagpahayag sang pakig-isa ang Partido Komunista ng Pilipinas (PKP) sa natalana nga semana sa Paghanduraw sa mga Martir nga ginpatigayon sang Communist Party of India (Maoist) sa Hulyo 28 tubtob Agosto 3. Lakip sa pasidunggan sa semana nga ini ang namartir nga sekretaryo sang CPI (Maoist) nga si Kaupod Basavaraju (Nambala Keshava Rao).

Suno sa PKP, ang mga baganihan sang pumuluyong Indian makabig nga baganihan man sang pumuluyong Pilipino tungod naghalad sila sang kabuhi sa paghimakas para sa pungsodnon kag sosyal nga kahilwayan. Sa India man kag sa Pilipinas, nagapati ang PKP nga nagadamo ang isip sang mga mamumugon, mangunguma kag ginapigos nga sahi ang maga-usoy sa rebolusyonaryong dalan bilang pagpadayon sang kawsa sang ila mga martir.

Gina-engganyo sang PKP ang tanan nga rebolusyonaryong pwersa sa Pilipinas nga makig-isa kag magpakigbahin sa Semana sang Paghanduraw.