Ginreport sini nga Agosto sang Bagong Hukbong Bayan-Bukidnon ang resulta sang engkwentro sang isa ka yunit sini kag mga elemento sang 8th IB sa Sityo Tubigon, Barangay Busdi, Malaybalay City, Bukidnon sadtong Hulyo 1. Nagresulta ang nasambit nga engkwentro sa pagkapatay sang indi magnubo sa pito ka soldado sang 8th IB.

Tungod sa kahalitan nga naagum sang 8th IB, nagpalupok sang kanyon ang yunit militar sadtong Hulyo 1 kag Hulyo 2 bilang balos sa masa nga nagasuporta sa hukbo. Wala sang yunit sang BHB-Bukidnon ang naigo apang nagtuga ini sang kakugmat sa mga komunidad sang mga mangunguma kag Lumad sa lugar.

Apat ka bala sang kanyon ang una nga ginpalupok sadtong alas-12:30 sang hapon sang Hulyo 1.

Pagkasunod nga adlaw, liwat nga nagpalupok sang apat ka bala sang kanyon ang AFP sadtong alas-3 sang kaagahon. Yara sa tunga-tunga sang pagpahuway ang mga sibilyan nga populasyon sang nagpalupok sang kanyon ang mga berdugo.