Tadlungon Ang Mga Kasaypanan Kag Liwat Nga Tukuron Ang Partido

I. MARXISMO-LENINISMO-KAISIPAN MAO ZEDONG ANG UBAY NATON SA PAGSAWAY SA KAUGALINGON KAG LIWAT NGA PAGTUKOD SA PARTIDO

Marxismo-Leninismo-Kaisipan Mao Zedong ang pinakamataas nga pag-uswag sang proletaryo nga rebolusyonaryo nga ideolohiya sa subong nga panahon sa kalibutan. Sa panahon nga ini, ang matuod nga proletaryo nga rebolusyonaryo nga partido kinahanglan padayon nga nagapaninguha sa pag-isa sang Marxismo-Leninismo- Kaisipan Mao Zedong kag rebolusyonaryo nga praktika agud maagum ang lubos nga kadalag-an.

Marxismo-Leninismo-Kaisipan Mao Zedong ang pinakamataas nga ubay sa pag-analisa kag pagsuma sang inagihan sang Partido Komunista sang Pilipinas. Halin sa ginsuguran, komitido na ang aton Partido sa teorya sang Marxismo-Leninismo-Kaisipan Mao Zedong kag sa matinugahon nga paggamit sini sa partikular nga kahimtangan sa Pilipinas sa paghimakas batok sa imperyalismo nga Amerikano, pyudalismo kag burukrata kapitalismo. Bangud nagapulos sa padayon nga pag-uswag sang teorya kag praktika sang internasyonal nga kahublagan komunista, komitido ang aton Partido sa teorya kag praktika sang Marxismo-Leninismo-Kaisipan Mao Zedong nga amo subong ang pinakamataas nga pag-uswag sang proletaryo nga rebolusyonaryo nga ideolohiya.

Yara kita subong sa halintang sang kasaysayan sang kalibutan kag sang internasyonal nga kahublagan komunista sa diin ang tanan nga partido kag rebolusyonaryo nga kadre liwat nga nagaanalisa sang ila inagihan santo sa Marxismo-Leninismo-Kaisipan Mao Zedong. Ang mga komunista nga partido katulad sang Partido Komunista sang Pilipinas nga wala pa nakapalig-on sang proletaryo nga rebolusyonaryo nga gahum nagaatubang sa palaligban kon masunod ukon indi sa Marxismo-Leninismo-Kaisipan Mao Zedong. Ang gilayon nga problema nga ini labi nga ginapasingki sang pagtuhaw kag sang kalibutanon nga kampanya sang moderno nga rebisyonismo.

Marxismo-Leninismo-Kaisipan Mao Zedong ang nagatalana sang linya nga nagatunga sa mga proletaryo nga rebolusyonaryo kag sa mga nagapakuno-kuno nga rebolusyonaryo sa panahon nga ini sa diin dalagkuan nga pag-alsa, dalagkuan nga pagkatunga kag dalagkuan nga liwat nga pagtukod sang mga pwersa pangpulitika. Ginaubayan subong sang Marxismo-Leninismo-Kaisipan Mao Zedong ang tanan nga rebolusyonaryo nga proletaryo nga kahublagan nga nagahatag sang patal nga bunal sa imperyalismo nga Amerikano, moderno nga rebisyonismo kag sa tanan nga reaksyon. Ang padayon nga kapaslawan sang mga daan nga partido nga wala gin-ubayan sang Marxismo-Leninismo-Kaisipan Mao Zedong nagapamatuod lang nga indi maagum kag mapabakod ang rebolusyon kon wala sang nagaubay kag tampad nga pagpraktika sang Marxismo-Leninismo-Kaisipan Mao Zedong. Bastante katama ang pamatuod nga ginpakita sang inagihan sang mga rebisyonista nga partido sa bug-os nga kalibutan. Ang kasaysayan sang aton Partido puno sang kapaslawan bangud sa mga malubha nga kasaypanan kag kahuyangan nga dapat tadlungon subong santo sa Marxismo-Leninismo-Kaisipan Mao Zedong. Samtang ginasakdag kag ginapalapnag ang moderno nga rebisyonismo sang grupo sang mga moderno nga rebisyonista nga nabase sa Unyon Sobyet, matulod ang tanan nga rebolusyonaryo nga proletaryo nga magpahayag kag maghulag santo sa Marxismo-Leninismo-Kaisipan Mao Zedong nga amo ang alimpuros sang proletaryo nga rebolusyonaryo nga ideolohiya. Duha ka tikang nga pag-abanse ang ginahimo subong sa bulig sang Marxismo-Leninismo-Kaisipan Mao Zedong. Sa direkta nga pagpamuno sang Pangulo Mao Zedong, ang Republika nga Pungsod sang Tsina nangin sentro sang kalibutanon nga rebolusyon.

Pat-ud nga magalala pa ang moderno nga rebisyonismo sa Pilipinas bangud wala pa ini nahilway sa kamot sang imperyalismo kag pyudalismo pareho sang nagakatabo subong. Ang mga agos sang oportunismo nga nagahalin sa petiburgesya kag burgesya nagaserbi nga basehan sang pagpangibabaw sang moderno nga rebisyonismo halin sa kalibutanon nga sentro sini sa Mosku. Kon indi epektibo nga masumpong ang moderno nga rebisyonismo paagi sa husto nga teorya kag praktika, magapabilin sa katilingban nga Pilipino ang imperyalismo nga Amerikano, tumandok nga pyudalismo kag burukrata kapitalismo.

KAUNDAN: