III. MALIP-OT NGA PAGTUON LIWAT SA KASAYSAYAN
B. Pag-isa sang Partido Komunista kag sang Partido Sosyalista
Sadtong Nobyembre 7, 1938, gin-isa ang Partido Komunista sang Pilipinas kag Partido Sosyalista pagkatapos hatagan ang liderato sang Partido Komunista sang kundisyunal nga pardon sang gubyerno nga Komonwelt santo sa kontra-pasista nga polisiya sang Prente Popular. Natigayon ang pag-isa sa bulig ni James Allen, tiglawas sang Partido Komunista sang Estados Unidos. Sadto padayon ang suod nga pag-angtanay sang Partido Komunista sang Pilipinas sa liderato nga Browder sang Partido Komunista sang Estados Unidos.
Ang hayag nga liderato nga ginpili sa konggreso sang pag-isa gintiglawas nanday Crisanto Evangelista bilang pangulo, Pedro Abad Santos bilang ikaduha nga pangulo kag Guillermo Capadocia bilang pangkabilugan nga sekretaryo.
Ang likom nga ikaduha nga linya sang liderato gintiglawas ni Vicente Lava nga nahigot sadto sa iya pangabuhian bilang burukrata sa Bureau of Science kag ang iya hilikuton pangpulitika napatuhoy lang sa pagpamuno sa gamay nga organisasyon sang mga progresibo nga petiburges, ang League for the Defense of Democracy. Si Lava ang pinakatiglawas sang mga katapu sang Partido nga naghalin sa petiburgesya nga naimpluwensyahan sang tuo nga oportunista nga liderato nga Browder sang Partido Komunista sang Estados Unidos. Ang iban pa nga katapu sang likom nga pangaduha nga linya sang liderato amo yadtong may gagmay nga kadalag-an sa hilikuton sa syudad sang Partido, labi na sa kubay sang mga petiburges, sadtong ginhimo nga ilegal ang Partido.
Ang Partido Komunista (Pag-isa sang Partido Komunista kag Partido Sosyalista) nga yara sa idalum sang liderato nga Evangelista pursigido nga nagpaninguha para sa isa ka nabase sa syudad nga kontra-pasista nga kahublagan nga nagtib-ong sa pagboykot sang mga produkto nga Hapones kag sa pagtuga sang mga "batalyon sang pagpamugon" nga ginsakdag sang nagahiliugyon nga prente sa pagpamugon, ang Collective Labor Movement, kag may kooperasyon sang gubyerno nga Komonwelt. Ang hilikuton pangpulitika sang yara sa kubay sang petiburgesya sa syudad gindumalahan ni Vicente Lava. Sa bulig sang mga kadre nga komunista, gintinguhaan sang daan nga lider sang Partido Sosyalista nga pataason ang kamuklatan pangpulitika sang mga mangunguma sa Sentral Luson; apang ginhatagan lang ini sang sekundaryo nga importansya. Ang nagapanguna nga bahin sang hilikuton sang Partido gintigayon sa syudad sang isa ka Partido nga nabase sa syudad kag may oryentasyon-syudad.
Party Constitution Bottom
I II III IV V
Back to top
|
