Ginsukna han Partido an mga anomaliya nga nabalor hin ₱9.4 kabilyon ha Armed Forces of the Philippines (AFP) ngan Philippine National Police (PNP). Kasumpay ini han pondo nga igin-gawas para ha mga kontrata, proyekto ngan mga kagarastuhan nga waray madayon.

Nabuksas ha tinuig nga report han Commission on Audit (COA) nga mayda 41 nga proyekto an AFP ngan PNP nga nabalor hin ₱6.8 kabilyon an waray mahuman ha gintalaan nga panahon, samtang siyam naman nga panmilitar nga proyekto nga nabalor hin ₱940.5 kamilyon an ginsuspendir. Maabot naman ha ₱1.7 kabilyon an katin han PNP Special Action Force para ha mga kontrata nga waray pa mahipatuman.

Ginsukna naman han Bayan Muna an dako nga pondo nga kapot han AFP ngan PNP, samtang kulang hin duro an pondo agud tagan hin ayuda an katawhan ha butnga han pandemya.