Nagkokopras an upat nga parag-uma han lubi ha Sityo Pan-ukan, Barangay Cambuayon, Bacuag, Surigao del Norte dapit alas-3 han kulop hadton Hulyo 12 han pauranan hira hin bala han 30th IB. Namatay dayon hira Sagloy Destajo ngan Richard Lampad, samtang grabe nga nasamaran hi Benjie Destajo – ngatanan mga residente han Barangay Pautao. Gin-aresto ngan iligal yana nga nakadetiner hi Julieto Madelo, residente han Cambuayon.

Samtang, gin-aresto hira Julieta Tawidi Gomez ngan Niezel Velasco ha hinimuhimo nga kaso han pagpatay ngan gin-atentar nga pagpatay han gin‐tig-ob nga pwersa han PNP-NCR ngan 4th ID hadton Hulyo 16 ha Barangay Pansol, Quezon City. Dirudilain nga armas ngan paburuthon an gintanom ha gin-uukyan nira nga balay.

Hi Gomez usa nga Manobo tikang ha San Luis, Agusan del Sur nga kagawad han konseho han Kahugpungan sa mga Lumadnong Organisasyon sa Caraga. Hi Velasco naman koordineytor han Bread for Emergency and Development, usa nga institusyon nga aktibo ha paghatag han ayuda ngan bulig ha mga biktima han kalamidad ha Caraga.