Makatadungan nga suhol. Nagprotesta an 300 nga drayber han serbisyo nga deliberi nga Food Panda ha Davao City hadton Hunyo 15. Ginsukna nira an kompaniya ha barat nga pagpasuhol, diri makatadungan nga pagtanggal ha pira nga drayber ngan pagpasugbong ha ira han baraydon ha pagkuha hin permit.

Duque, patalsikon. Ginlabay hin kamatis han mga trabahador pankalibsugan ha pangunguna han Alliance of Health Workers an logo han Department of Health(DOH) ha atubangan han upisina hini ha Manila hadton Hulyo 16 agud kundenaron an kawaray benepisyo, pagpasibaya ngan kapakyasan han rehimen Duterte nga batunon an ira kaupayan. Ginpanawagan liwat nira an pagpatalsik ha pwesto han waray pulos nga hi Sec. Francisco Duque III han DOH.

Pakuri nga oil price hike. Nagprotesta an mga progresibo nga organisasyon ha atubangan han Petron apiki ha Philippine Coconut Authority, Quezon City hadton Hulyo 13 agud suknaon an paghitaas han presyo han petrolyo ha naglabay nga mga bulan. Hinitaas hin ₱5-6 an presyo han mga produkto nga petrolyo tikang Enero.

Estudyante ha Paaralang Bakwit, nagtapos. Iginlansar han Save Our Schools Network an pagtatapos ha hayskul han mga estudyante han Bakwit School hadton Hulyo 17 ha Bantayog ng mga Bayani, Quezon City. Tumambong ha programa an mga nasuporta ha ira nga mga personahe ngan organisasyon.