Apat ka armadong aksyon ang ginlunsar sang mga yunit sang Bagong Hukbong Bayan (BHB) sa Negros, Sorsogon kag Agusan del Sur umpisa Septyembre 5 tubtob 14.

Napatay sa operasyon partisano sang BHB-Sorsogon sang Septyembre 5 si Police Executive M/Sgt. Israel Rebosura sang Pilar Municipal Police Station sa Purok 2, Sityo Cagduyong, Barangay Ginablan, Pilar, Sorsogon. Aktibo siya sa pagpaniktik kag pagplastar sang lambat sang mga impormer sang pulis sa mga baryo sa Pilar.

Sa Negros Occidental, ginpalukpan sang BHB ang masobra 30 suldado sang 94th IB nga nagapatrulya sa Sityo Dawahan, Barangay Buenavista, Himamaylan City sang Septyembre 6. Nagkuyampad sang dalagan ang mga suldado dala ang ila mga kaswalti. Isang pulis ang napatay sa pag-isnayp sang BHB sa isa ka substation sang pulis sa Sityo Parkingan, Barangay Trinidad, Guihulngan City, Negros Oriental sang Septyembre 10. Masunod nga adlaw, napatay ang isa ka suldado sang 62nd IB sa pag-isnayp sang mga Pulang hangaway sa tropa sini sa Sityo Tuko Gamay. Nagakampo malapit sa sibilyan nga komunidad ang amo nga mga suldado, bagay nga lapas sa internasyunal nga tawhanong layi.

Samtang sa Agusan del Sur, isa ang napatay kag tatlo ang pilason sa ambus sang BHB batuk sa gintingub nga tropa sang 26th IB, 41st DRC kag Special Forces sa mabukid nga bahin sang Barangay Moretola, San Luis sang Septyembre 14.