Samtang anaa sa US, todo-todo ang paggasto sa pamilyang Marcos ug sa ilang alipures sa kwarta sa katawhan. Nag-hotel sila nga nagkantidad og $10,000-$15,000 kada gabii (o kapin ₱3.5 milyon kada kwarto alang sa usa ka semana). Naglulinghayaw ang iyang asawa nga si Liza Araneta-Marcos sa mahal nga mga tindahan ug nagtan-aw sa mahal nga teyatro. Paggawas ug pag-uli sa Pilipinas, gisugat ang ilang gipakyaw nga eroplano sa mga FA-50 jetfighter.

Wala sa US nahuman ang maluho nga kinabuhi sa mga Marcos. Niadtong Oktubre 1, milupad si Marcos, iyang anak ug iyang ig-agaw si House Speaker Martin Romualdez sa Singapore aron magtan-aw og karera sa kotse. Gigamit nila isip pribadong jet ang Gulfstream nga gipalit kanhi sa rehimeng Duterte aron kuno magsilbing “command center” sa Armed Forces of the Philippines. Gihimo kini taliwala sa pag-antus sa kapin 157,000 Pilipinong naapektuhan sa bagyong Karding.