Maghuhukum nga nagbasura sa kaso batok sa PKP ug BHB, gidepensahan

,
Kini nga artikulo adunay hubad sa PilipinoEnglishHiligaynon

Hugot nga gimakmak sa mga hukum ug abugado ang paghulga sa kinabuhi ni Manila Regional Trial Court Judge Marlo Magdoza-Malagar. Kapin 600 ka abugado ang mipirma sa usa ka pamahayag nga nanawagan aron hatagag proteksyon ang mga hukum nga ginaatake sa social media masa sa ginahimo sa kanhing tigpamaba sa NTF-Elcac nga si Lorraine Badoy. Gisumite ang maong pamahayag sa Korte Suprema niadtong Setyembre 30.

Gimando sa Korte Suprema niadtong Oktubre 4 nga ipatin-aw ni Badoy kung nganong dili siya angayang pahamtangan og “contempt of court” kalabot sa iyang pagpanghulga sa kinabuhi sa usa ka huwes.

Nahimong sentro sa atake sa Facebook ug YouTube si Malagar human niyang gibasura ang petisyon sa Department of Justice nga ideklarang “teroristang organisasyon” ang PKP ug BHB.

Niadtong Setyembre 24, nagpadayag ang HUKOM, Inc, asosasyon sa mga hukum sa nasud, aron kundenahon ang maong pagpanghulga.

Misuporta usab kang Malagar ang Ateneo de Manila University School of Law, Philippine Bar Association, Free Legal Assistance Group ug Integrated Bar of the Philippines.

Maghuhukum nga nagbasura sa kaso batok sa PKP ug BHB, gidepensahan