Samtang ara sa US, todo-todo ang paggasto sang pamilya Marcos kag ila mga alipures sa kwarta sang banwa. Nagpuyo sila sa hotel nga nagabalor sang $10,000-$15,000 kada gab-i (o masobra ₱3.5 milyon kada kwarto para sa isa ka semana). Nanglugayawan ang iya asawa nga si Liza Araneta-Marcos sa malahalon nga mga tindahan kag naglantaw sang malahalon nga palaguwaon. Paghalin kag pagbalik sa Pilipinas, ginsug-alaw ang ila ginpakyaw nga eroplano sang mga FA-50 jet fighter.

Wala sa US natapos ang maluho nga pagpangabuhi sang mga Marcos. Sang Oktubre 1, naglupad si Marcos, iya anak kag pakaisa niya nga si Speaker Martin Romualdez sa Singapore para maglantaw sang karera sang kotse. Gingamit nila bilang pribado nga jet ang Gulfstream nga ginbakal sadto sang rehimeng Duterte para kuno magserbi nga “command center” sang Armed Forces of the Philippines. Ginhimo ini sa tunga sang pag-antus sang masobra 157,000 Pilipino nga ginhalitan sang bagyo Karding.