Ginaabog sa katawhan sa Cagayan Valley ang planong pagtransporma sa mga kampo militar sa AFP padulong sa mga pasilidad sa militar sa US, subay sa pagdugang og lima pa ka lokal nga kampo sa US ilalum sa dili patas nga Enhanced Defense Cooperation Agreement. Pagagamiton sa US ang maong mga pasilidad isip permanenteng base sa gamit-militar ug tropang Amerikano.

Sa banabana sa National Democratic Front of the Philippines-Cagayan, ipagamit sa papet nga rehimeng Marcos sa mga pwersa sa US ang mga kampo militar sa AFP sa Sta. Ana ug Lal-lo. Lain pa ang 50-ektaryang yutang giilog karon sa AFP gikan sa mga mag-uuma sa Divilacan, Isabela.