Duha ka tuig na nga nakabulag ang 2-anyos na karon nga si Baby Marx Cairo Salino sa iyang pamilya. Niadtong Enero 13, 2021, giilog siya sa 79th IB sa usa ka reyd sa balay sa pamilyang Madin sa Hacienda Ambulong, Barangay San Fernando, Talisay City, Negros Occidental.

Sukad niadto, gunit na sa militar ang bata ug wala gibalik sa kustodiya sa mga paryente. Si Baby Marx ang anak nilang Ka Peeta ug Ka Jandy, parehong manggugubat sa Bagong Hukbong Bayan sa Negros.

Ginagamit sa militar nga hostage si Baby Marx aron pasurenderon ang iyang ginikanan. Gihikaw siya sa DSWD sa iyang lolo ug lola tungod kay kinahanglan pa kunong “konsultahon” ang militar.

Subli-subli na usab nga ginapailalum sa pagpamig-ot, pagpanghadlok ug pagsubaybay ang lolo ug lola ni Baby Marx. Niadtong unang kwarto sa 2022, gireyd sa mga sundalo ang ilang temporaryong gisak-an. Tungod niini, napugos silang magtago.