Indi magnubo sa 18 ka tropa sang 8th ID ang napatay kag lima ang napilasan sa serye sang mga taktikal nga opensiba sang Bagong Hukbong Bayan (BHB) sa Northern kag Western Samar sadtong Hunyo tubtob Agosto.

Kabahin sa mga napatay ang lima ka tropa sang 4th Scout Ranger Battalion (SRB), isa sa pinakaulihi nga pwersang “elite” nga ginbutang sa rehiyon para “tapuson” ang hangaway sang banwa.

Sa Northern Samar, lima ka pasunod nga operasyon haras ang ginpatigayon sang hangaway sang banwa sa Silvino Lobos kag Las Navas. Lima ka armado nga opensiba man ang ginlunsar sang mga Pulang hangaway sa Matuguinao, Western Samar.

Samtang, sa Southern Leyte, ginbalita kasan-o lang sang BHB-Leyte Island ang pagpaslaw sa isa ka reyd sang 14th IB nga nahitabo sadtong Abril kag mga pasista nga balos sang yunit militar sa sibilyan nga komunidad. Napatay sa armado nga opensiba sang BHB ang duha ka ahente militar kag nakumpiskar sa ila ang duha ka kalibre .45 pistola, kag tatlo ka selpon.

Ginlunsar ang mga operasyon nga ini sa tunga sang mga focus military operation sang 8th ID nga may ginatos ka pasista nga tropa, kag gamit ang ila abante nga mga kagamitan pang-gyera pareho sang mga helikopter, drone kag iban pa.