Dili moubos sa 18 ka sundalo sa 8th ID ang napatay ug lima ang nasamdan sa serye sa mga taktikal nga opensiba sa Bagong Hukbong Bayan (BHB) sa Northern ug Western Samar niadtong Hunyo hangtud Agosto.

Lakip sa mga napatay ang lima ka tropa sa 4th Scout Ranger Battalion (SRB), usa sa pinakaulahing pwersang “elite” nga gideploy sa rehiyon aron “tapuson” ang hukbong bayan.

Sa Northern Samar, lima ka magkasunod nga operasyong haras ang gilunsad sa hukbong bayan sa Silvino Lobos ug Las Navas. Lima ka armadong opensiba usab ang gilunsad sa mga Pulang manggugubat sa Matuguinao, Western Samar.

Samtang, sa Southern Leyte, gitaho bag-o lang sa BHB-Leyte Island ang pagpakyas sa usa ka reyd sa 14th IB nga nahitabo kaniadtong Abril ug mga pasistang pagpanimalos sa yunit militar sa sibilyang mga komunidad. Napatay sa armadong opensiba sa BHB ang duha ka ahenteng militar ug nakumpiska kanila ang duha ka kalibre .45 pistola, ug tulo ka selpon.

Gilunsad ang maong mga operasyon taliwala sa mga focus military operation sa 8th ID nga adunay gatusang pasistang tropa, ug gamit ang ilang abanteng mga himang iggugubat sama sa mga helikopter, drone ug uban pa.