Gindis-armahan sang mga Pulang hangaway sang Bagong Hukbong Bayan (BHB)-Sultan Kudarat ang despotiko kag ahente sang 57th IB nga si Junior Martinez sa Sityo Badiangan, Barangay Salangsang sa Lebak, Sultan Kudarat sadtong Nobyembre 13, alas-5 sang aga. Nakumpiskar sa iya ang isa ka M16, isa ka shotgun, duha ka pistola, isa ka hand grenade, kag radyo nga VHF.

Ginagamit ni Martinez ang nasambit nga mga armas sa pagpangsita para mang-agaw sang duta sang masang mangunguma sa lugar. Suportado si Martinez sang 57th IB kag aktibo nga nagapakigbinuligay sa mga suldado.

Sadtong Nobyembre 10, naglunsar sang operasyon haras ang BHB-Sultan Kudarat batuk sa detatsment sang 37th IB sa Sityo Pangyen, Barangay Hinalaan, Kalamansig. Nagapanguna ang mga suldado sang 37th IB sa pagpanahor, pagpahubog kag iban pa nga kinagamo sa baryo. Pasulit-sulit man ini nga nagapang-ipit kag nagapamilit sa mga residente para “magsungka.” Ginkalipay sang mga residente ang opensiba tungod sa perwisyo nga dala sang tropa sini sa lugar.

Sa Quezon, ginwasak kag ginsindihan sang BHB-Quezon ang duha ka dump truck nga gamit sang kumpanya nga kwari sa banwa sang Unisan sadtong Nobyembre 8. Ginpatigayon ini bilang paandam sa mga kumpanya nga may kahilabtanan sa proyekto nga makaguba sa kinaiyahan.