3 ka adlaw nga untat-biyahe. Ginlunsar sang mga drayber kag opereytor sang dyip, sa pagpamuno sang Piston, ang tatlo ka adlaw nga untat-biyahe halin Nobyembre 20 tubtob 22. Sabat nila ini sa padayon nga pagpatuman sang phaseout sa jeepney sang rehimen Marcos sa nawong sang pwersahan nga konsolidasyon sa ila nga prangkisa. Sa una nga adlaw sini, 85% paralisado ang mga ruta sa Metro Manila. Nakalunsar sang mga hublag sa 27 ka erya sa Manila, sa mga syudad sang Baguio, Cebu, Iloilo, Bacolod kag Davao, kag sa Cavite, Laguna, kag Albay.

Pasabton ang US sa henosidyo sa Israel. Ginapamunuan sang Bayan ang ginatos ka nagrali sa mismo nga atubang sang US Embassy sa Manila sadtong Nobyembre 14 para kundenaron ang papel sang US sa henosidyo batuk sa pumuluyong Palestino kag pagpangsulsol sang mga imperyalistang gyera. Anom ka ralyista ang napilasan sang ginharangan kag hana nga bungkagon sang mga pulis ang martsa bag-o makaabot sa embahada.

Pilipinas, not for sale. Ginsugata sang protesta sang mga organisasyon Pilipino sa San Francisco, California ang paghugpa ni Ferdinand Marcos Jr kag iya delegasyon sa US para magtambong sa Asia-Pacific Economic Cooperation Summit sadtong Nobyembre 14. Ginsaway nila ang pagbaligya ni Marcos sa Pilipinas sa dunang manggad kag kusog-pangabudlay sang Pilipinas sa dumuluong nga mga kumpanya.

Hustisya para sa mga biktima sang Yolanda. Ginpangunahan sang People’s Rising for Climate Justice Philippines ang protesta sa Mendiola sadtong Nobyembre 8 para sukton ang estado sa “kriminal nga pagpabaya” sini sa mga biktima sang mga bagyo kag kalamidad. Ginapatigayon naman sang nagkalain-lain nga grupong pangkinaiyahan ang isa ka martsa sa San Juanico Bridge, Sta. Rita, Leyte padulong sa Tacloban City sadtong Nobyembre 7. Ang martsa nga ini ang kabahin sang 30 ka adlaw nga alay-lakad para dumdumon ang ika-10 ka anibersaryo sang Yolanda.

Walk-out sang mga pamatan-on. Tatlo ka gatos nga estudyante kag pamatan-on halin sa pribado kag pampubliko nga buluthuan ang nag-walk-out sa klase sadtong Nobyembre 20 sa Cebu City para iduso ang ila kinamatarung sa edukasyon kag sawayon ang pagpamigos sang estado. Sadtong Nobyembre 17, naglunsar man sang koordinado nga hublag ang ginatos ka pamatan-on sa 16 ka sentro sang protesta sa pungsod para dumdumon ang Pangkalibutanon nga Adlaw sang mga Estudyante.

Wala pa sa gihapon hustisya. Ginapngunahan sang Alyansa ng Magbubukid sa Asyenda Luisita ang kahublagan sa Department of Agriculture sa Quezon City sang mga mangunguma sadtong Nobyembre 16 agud dumdumon ang ika-19 tuig nga anibersaryo sang masaker sa pito ka mamumugon sa uma sa isa ka kampuhan para iduso ang ila kinamatarung sa duta. Nakigbahin sa aktibidad ang mga mangunguma halin sa kasikbit nga Hacienda Tinang.

Welga sa Valle Verde. Gindayon sang Valle Verde Country Club Inc. Employees Union ang ila nga welga sadtong Nobyembre 11 pagkatapos nga magdedlak ang negosasyon para sa ila nga CBA. Namalibad ang maneydsment sa duso sang mga mamumugon nga ₱38.50 nga dugang sa inadlaw nga sweldo, bisan 2019 pa ulihi nga nakaangkon sang dugang-sweldo.