Ginahatagan sang Partido Komunista ng Pilipinas (PKP) kag bug-os nga rebolusyonaryong kahublagan sang pinakamataas nga pasidungog kag Pulang saludo si Kaupod Josephine Mendoza (Ka Sandy), myembro sang Komite Sentral kag ikaduha nga ikaduhang tiglikom sang panrehiyon nga komite sang Partido sa Southern Tagalog.

Nagtaliwan si Ka Sandy sadtong Nobyembre 10 sa edad nga 59. Sa nagkalain-lain nga lugar nga iya ginhulagan, kilala man siya nga si Nene, Minerva kag Victoria Mirayan.

Ginhatag ni Ka Sandy sang masobra apat ka dekada sang iya kabuhi sa pag-alagad sa rebolusyon kag sa pigos kag ginahimuslan nga masa sa kabukiran kag kasyudaran sang rehiyon.

Produkto si Ka Sandy sang pagdilaab sang kahublagan batuk sa diktadurang Marcos Sr sadtong dekada 1980. Nagpatapo siya sa Bagong Hukbong Bayan (BHB) sadtong 1984 kag nag-alagad sa nagapamuno nga komite sang Partido kag BHB sa mga larangan gerilya sa Mindoro kag isip ikaduha nga tiglikom sang komite sang PKP sa Palawan sadtong dekada 1990.

Dako ang nangin amot niya sa pagpapagsik sang rebolusyonaryong kahublagan sa kasyudaran sang rehiyon halin dekada 1990. Madamo mga paghimakas masa ang ginpamunuan niya sa idalom sang asud-asod nga rehimen ni Estrada, Arroyo, Aquino, Duterte tubtob sa pagbalik sang pamilya Marcos sa poder.