Ginparalisa sang isa ka yunit sang Bagong Hukbong Bayan (BHB)-Bukidnon ang duha ka backhoe sang Ulticon Builders Incorporated (UBI) sadtong Oktobre 16 sa Sityo Mahagwa, Barangay Hagpa, Impasug-ong. Ang UBI ang kroni nga kumpanya sa konstruksyon sang mga Duterte nga nagakupo sang dalagko nga pampubliko nga kontrata nga nagakantidad sang ₱1 bilyon tubtob ₱3 bilyon kada tuig.

May kabahin ang UBI sa mga proyekto nga mapanghalit sa dunang manggad kag mga ulumhan, kag nagapalayas sa mga mangunguma sa ila nga duta. Notoryus ang kumpanya sa tuman ka nubo nga sweldo, indi pagbayad sang 13th month pay kag iban pa nga benepisyo. Wala man ini nagahatag sang bayad-kahalitan sa mga naguba nga balay, ulumhan kag gamit sang mga residente sa panahon sang konstruksyon sini. Sadtong 2018 kag 2021, ginpapanaugan na sang silot sang BHB ang UBI tungod sa pagguba sini sa kinaiyahan kag pag-abuso sa mga mamumugon.

Kabahin sa mga kontrata sang UBI ang konstruksyon sang “farm-to-market-roads” (FMR) sa na-aminhan kag sur sang Mindanao nga ginagamit subong sang dalagko nga komprador burgesya para padasigon ang pagsulod kag operasyon sang mga dumuluong nga mina, ekspansyon sang komersyal ng plantasyon kag mga planta sang enerhiya sa mga dutang agrikultural kag dutang tumandok.

Katimbang sang UBI sa anti-pumuluyo nga kampanya kontra-insurhensya sang AFP sa pagtukod sang mga FMR nga ini. Wala pamalibad ang pagsuporta sang kumpanya sa mga “programang pangkalinong” sang berdugo nga 403rd Brigade kag NTF-Elcac nga nagasabwag sang terror sa pumuluyo sang Bukidnon. Magluwas sa konstruksyon sang mga FMR sa prubinsya, may kahilabtanan man ini sa konstruksyon sang pasilidad sa sulod sang kampo militar sang 8th IB.

Gintukod sa Davao ang UBI sadtong 1993 sang pamilyang Gonzalez kag subong ginapamunuan ni Carlos Gonzalez. Bata niya ang subong nga tiglawas sang partylist nga MARINO kag deputy majority leader sa manubo nga kapulungan nga si Lisandro Gonzalez. Kabahin man siya sang mga nagapadalagan sang UBI. Isa si Lisandro sa hugot nga tigsuporta sang mga sugyot sang rehimen Marcos, kabahin na ang Maharlika Investment Fund.